Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Неспазнаным чынам...

Сярэдняя: 5 (2 галасоў)

Неспазнаным чынам
Блытае прырода
Добрых і зладзеяў,
Моцных і слабых,
Ворагаў злачынных,
Гожых і уродаў.
Абірае дзейсных,
Ды ня тых.

Зелянее новай
Сьвежаю расьлінай
Поўны спадзяваньняў
Мужны каласок.
Праўда, не гатовы,
І яго нявіннасьць
Адзічэлай зданьню -
У пясок.

Гонару імкненьне
Рвецца выбухоўкай:
Напаіць мілосьцю
Цэлы белы сьвет.
Кроў імчыцца ў вене,
Пырскае нялоўка.
Нарадзіўся госьцем -
І ў кувет.