Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Уладзімір Ясеў Па шчасце

Сярэдняя: 3.7 (3 галасоў)

Хто першым пабачыў каханне?
Хто першым ступіў першы крок?
Шчымлівых пачуццяў паўстанне
Хто ў сэрцы адчуць першым змог?

Чый першы пранізлівы позірк
Душою душу ацаніў?
Хто сціплую, сумную прозу
На чулыя вершы змяніў?

Хто першым паверыў сумненням?
Хто першым ваганні адчуў
І ў памяць аб першым імгненні
Паспешліва свечку задзьмуў?

Паныла, самотна блукаю
І кожнай п’янлівай вясной –
Прывіднае шчасце гукаю,
А шчасце нячутна са мной.

То ціха сядзіць на канапе,
То гопае па дыване,
То слухае рокавы запіс,
То зоркай узыдзе ў акне.

Дарэмна я час свой марную,
Дарэмна я долю кляну,
Не вызначу долю чужую,
А шчасця свайго не міну...