Арон Гаал
Цень коткі
Можа, цень коткі – гэта ты...
Над галавой змрочная бяззорная ноч,
Але калі з'яўляецца на хвіліну Месяц,
У глыбіні саду выплывае твой стройны сілуэт.
Можа, гэта – твой сон, у якім я – толькі ўдзельнік,
Але можа, менавіта я прысніўся табе...
І ў тваім сне адлюстроўваецца сад і Месяц,
І тое стройнае цела, што так мякка басанож
Крочыць па траве, што так выцягваецца ўгару, да неба...
Ці толькі ў мне адлюстроўваецца ўсё гэта, і,
Калі з'яўляецца Месяц з хмары на хвіліну,
То бачу раптам паміж дрэвамі Цябе – цень коткі...
Аўтарскі пераклад
Карэктар Кселена Літвінава