Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ты што цяпер робіш...

Сярэдняя: 4.8 (6 галасоў)

Ты што цяпер робіш? Чыім будзеш сынам?
Аб чым твае думкі? Што ў сэрцы тваім?
Мой мужны, адважны, адзіны мужчына,
Яшчэ незнаёмы, а ўжо дарагі.

Чакаю цябе сярод будняў зацятых,
Адчайных памылак і страт немалых.
І сны мае толькі табою заняты,
Мой мудры, цярплівы, надзейны, зямны.

Я ведаю: стрэнемся абавязкова.
Я веру: пачуюць нябёсы, зямля
Прызнанняў нясмелых адвечныя словы:
— Кахаю...
— Таксама...
— Да скону...
— І я...