Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Уладзімір Ясеў Люты

Сярэдняя: 4.4 (7 галасоў)

Зіма дарогі завірушвае –
Снягі ад краю і да краю.
Спусцелых гнёздаў капялюшыкі
Сумуюць у прыціхлым гаі.

Пад нізкім небам хаты зніцяцца.
Ляцяць сняжынкі боскай маннай.
Зноў гурбы непраходна высяцца,
Дзе бегаў сцежкай натаптанай.

Падкіну шчодра дроў бярозавых,
Каб грубка полымем зайграла,
Паклічу ў госці ноч марозную:
Даволі ў полі бедавала.

Праз пару тыдняў люты злюціцца,
Вясна пралескамі праб’ецца,
І сакавік над чыстай вуліцай
Румянай поўняй усміхнецца.