Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Калыханка

Сярэдняя: 4.9 (8 галасоў)

Пішчыць закінуты асьвер,
Там-сям пуклее брукаванка.
Зьнямеў ваколіцы бязьмер -
Струхлела старасьцю альтанка.

Апараніўся ў хату цень,
Трашчыць на топалі бусьлянка.
Зьсівеў ад стомы летні дзень -
Ляціць з ваколіц калыханка.

На небе чырвань. Сонцапад,
Гарыць нябёсаў вышыванка.
Дабранач - шэпча сонны сад -
Бывай мой край.
                Пакуль.
                         Да ранка.