Па матэрыялах сайта www.tut.by ад 1.04.2011 http://news.tut.by/geonews/221899.html
“Купляйце мінскае паветра —
Непараўнальны водар свой!”
Ужо й да гэтага дапетрыў
Хтось “камерцыйнай” галавой.
Ў жалезных банках, нібы піва…
А зверху колца — адчыняць…
З малюнкам неба … Што за дзіва!
Ці сувенір, ці спажываць?
Ёсць па пятнаццаць. Ёсць у краме
Па сорак восем — даражэй…
Што гэта дзеецца між намі?
Чым болей гандлю, тым цяжэй!
Усё навокал прадаецца,
Усё дакладны мае кошт.
І дзень, і ноч турбуе сэрца,
Як спажываць апошні грош.
Што гандляру? Хітрун смяецца…
Бо пакупнік, як ні круці,
Дурны, й на гэта адгукнецца
І “за паветрам” наляціць.
Што застаецца ў суцяшэнне,
Калі купляецца ўжо ўсё?
Што не прынялі 'шчэ рашэнне
Нам ураздроб прадаць жыццё!
"Шукаць Вашу постаць у
"Шукаць Вашу постаць у нетрах
Пустэльнага горада.
Дзе кожны глыточак паветра
каштоўней за золата".