Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Невядомаму салдату

Сярэдняя: 5 (2 галасоў)
Вакол цябе акопы, бліндажы. Вакол - зямлі скрываўленай сумёты. Малітву нехта шэпча:"Памажы!" Кляне другі:"Каб вы згарэлі з чортам!" Вакол цябе ідзе шалёны бой. І кулі, разразаючы паветра, Са сьвістам пралятаюць над табой. А ты ляжы. І не зьвяртай на гэта. А ты ляжы, паранены салдат. Ня слухай, як сьпяваюць кулямёты, Пра тое, што не вернешся назад З апошняга і першага палёта. Што потым будуць сьлёзы і лісты, І словы, апякаючыя сэрца, І маці не засьне да цемнаты, Ня верачы пасьведчаньню аб сьмерці... Вакол цябе акопы, бліндажы. Вакол - зямлі скрываўленай сумёты. А ты ляжы, салдат, а ты ляжы. На хісткае мяжы цяпер і потым... Nike Jordan


Толькі выдатна. Ну можа хіба

Толькі выдатна.
Ну можа хіба што шматкроп'е напрошваецца напрыканцы другога слупка замест знікшай у небыццё кропкі слова "ўвагі". А напрыканцы наадваврот кропка лепей, як адная хвіліна маўчання.