Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Уладзімір Ясеў Птушкі

Сярэдняя: 3.7 (9 галасоў)

Кранула восень скроні небасхілу
Пунсовай фарбай. Пёры лёгкіх крылаў
Гатовы несці нас за небакрай.

Пакуль гучаць гармонікамі спевы,
На развітанне нам ківаюць дрэвы,
І плыўна лісце адлятае ў рай.

Касматая Мядзведзіца няроўна
Дрыжыць адранкам над астылай поўняй…
Паклікаў вырай у няблізкі шлях!

І мы ляцім. Ніхто не азірнецца…
След кіпцюроў, ледзь бачны, застаецца
На запацелых, скрыўленых ствалах.

Дзе - небудзь ва ўзбярэжных гарадах,
Прысніцца нам у казачным змярканні
Паўночны край, дзе рэха па садах
Спявае гімн вясновага вяртання.