Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Зямля, дзе мы жывем

Сярэдняя: 4.6 (50 галасоў)

Колерам зялёна-квітным,
Як абрусам аксамітным,
Луг, палі, лясныя скроні,
Паўстаюць, як на далоні.
Лес ў птушыных галасах,
Ўсё, нібыта ў дзіўных снах.
    Гэта ўсё край, дзе мы жывем,
    Тут зямля, дзе мы жывем.

Краявід тут воку любы:
На ўзгорку постаць дуба,
Зубр у пушчы уладарыць,
Бусел мірна ў небе правіць,
Табуном пасвяцца коні,
Ды алень імчыць па полі.
    Гэта ўсё край, дзе мы жывем,
    Тут зямля, дзе мы жывем.

Селянін арае поле,
Пані мараць на прыволлі.
Шляхта у садах фальварку,
Дзеці гойсаюць на ганку.
Скрыпкай хлопец душу бае,
Радзівіллу князю йграе.
    Гэта ўсё край, дзе мы жывем,
    Тут зямля, дзе мы жывем.

Цэрквы ў неба пазіраюць,
Вежы пушчы аглядаюць.
Над палацамі алькежы,
Манастыр раскінуў межы.
Чужакі прыйдуць – пагонім,
Родны кут свой абаронім.
    Таму што тут край, дзе мы жывем,
    Тут зямля, дзе мы жывем.