Нарадзілася 18 лютага 1946 года. Бадай, самая цікавая і асаблівая паэтка са шматлікай беларускай меншыні у Польшчы. Нарадзілася і жыве ў Бельску Падляскім, паводле адукацыі філялягіня, выпускніца Варшаўскага ўнівэрсытэту.
Дэбютавала ў 1970 годзе на старонках “Нівы”. Аўтарка паэтычных зборнікаў "We śnie w bólu słowa" (1979), "Роздумы" (1981), "Сезон у белых пейзажах" (1990), "З неспакойных дарог" (1993), "Дзверы" (1994, з паэтычнымі камэнтарамі Алеся Разанава), "Лагодны час" (1998), "Адплывае спакойнае неба" (1999), "Жоўтая музыка".
Паэтка ўдзельнічала ў шматлікіх літаратурных сустрэчах у Польшчы й Беларусі, яе творы перакладзены на польскую мову.
