Бярозы, сосны, верасы,
Вятрам і сонцу даспадобы, —
Мае вы сімвалы красы,
Зямліцы роднае аздобы.
Раса на вейках дзеразы,
Як срэбра найвышэйшай пробы, —
Мае вы сімвалы красы,
Зямліцы дарагой аздобы.
Сініцаў шустрых галасы,
Снягір, як золку расцяробы, —
Мае вы сімвалы красы,
Зямліцы сонцавай аздобы.
Маёй любові адрасы,
Зліцця з іх прыгажосцю спробы, —
Мае вы сімвалы красы,
Зямліцы вечнае аздобы!..
м-х-х малайчына
м-х-х малайчына