Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Не гуляйце, паэты, са смерцю!

Сярэдняя: 5 (6 галасоў)

Не гуляйце, паэты, са смерцю!
Не рыфмуйце свой будучы скон:
Гэтак лёгка – узяць і памерці,
Калі вамі накліканы ён.

Не кідайце прароцкія словы,
Не наводзьце прадбачаннем жах.
Вашы лёсы – у вашых галовах
І ў пакінутых вамі радках.

Як напішаце – гэтак і будзе,
Што пасееце – мусіце жаць.
Потым хай не здзіўляюцца людзі,
Што ў зямле вашы целы ляжаць.

Двадцаць восемь... Ці трыдцаць... Ці сорак…
Ну нашто – у нябыт – маладым?
А за вамі сіротамі – творы,
Горкай славы задушлівы дым…

Ах, паэты – прарокі, прабачцы –
Не спяшайце заўчасна ў мурог!
Лепш сябе даўгалецце прызначце,
Ну а там… як дазволіць вам Бог…

4.10.2010