"Раздача бяздомных жывёл".
Вы чулі? Чыталі пра гэта?
А добра бы - хтосьці правёў
Раздачу бяздомных паэтаў...
Мо, нехта мяне бы абраў,
Прывёў бы, шчаслівы, дахаты,
Ў куточку мне коўдру паклаў,
Наліў бы ў кармушку гарбаты.
Я б вершы яму прысвячаў,
Спяваў дыфірамбы і песні,
Заўжды ля дзвярэй бы страчаў –
І нам не было б разам цесна…
Але – гэта проста бяда –
Паэтаў ніхто не заводзіць…
Сабаку бяруць , …. ці ката…
Паэты жа…. Дзікія ходзяць…