Не надыхацца, не наталіцца
Мнагаснежнай віхурнай зімой!
Смакатой маразоў не напіцца,
Не найграцца завеяй шальной!
Не нацешыцца казачным пухам,
Што ў далоні, бы свята, ляціць!
Не наслухацца злой завірухі,
Калі стане па-воўчаму выць!
А на сонейку раніцай золкай
Не знайсці прыгажэйшага шоў,
Чым яскравае ззянне вясёлкі
Ў крышталёвых радках ледзяшоў
І пабеленай густа прасторы,
Што нагадвае ў квецені сад,
І зіхотнага белага мора,
Што ўяўляе сабой далягляд.
Наваколле – зямля і нябёсы –
Выклікае дзівосны экстаз:
Дываны-саматканкі з начосам,
І прасцін дыяментавы бляск,
І карункі ірландскія шаці
На галінках настылых бяроз,
І бахматая шапка на хаце,
І заспаны на вокнах мароз,
І вясёлыя дзеці на ганку,
І на дрогкім кусце снегіры,
І канькі, і нястомныя санкі,
Што, як пёркі, злятаюць з гары…
12.12.2010
Таццяна! Запрашаем Вас
Таццяна! Запрашаем Вас выступіць на вечарыне "Таццянін дзень" у музеі Максіма Багдановіча (Траецкае прадмесце, вул. М.Багдановіча, 7а) 25 студзеня у 18.00 пачатак. Падыдзіце перад вечарынай да яе арганізатаркі Таццяны. Будзе шмат паэтак-Таццян і бардаў. Арганізатар вечарыны - паэтычны тэатр "Арт.С". Можаце прыйсці непасрэдна на вечарыну, а можаце паведаміць пра сваю згоду выступіць на эл.скрыню арганізатара вечарыны btp@tut.by.
Таццяна! Запрашаем Вас
Таццяна! Запрашаем Вас выступіць на вечарыне "Таццянін дзень" у музеі Максіма Багдановіча (Траецкае прадмесце, вул. М.Багдановіча, 7а) 25 студзеня у 18.00 пачатак. Падыдзіце перад вечарынай да яе арганізатаркі Таццяны. Будзе шмат паэтак-Таццян і бардаў. Арганізатар вечарыны - паэтычны тэатр "Арт.С". Можаце прыйсці непасрэдна на вечарыну, а можаце паведаміць пра сваю згоду выступіць на эл.скрыню арганізатара вечарыны btp@tut.by.
Верш добры і прыгожы, але ж
Верш добры і прыгожы, але ж зноў памылкі..."А на сонейкЕ..." Трэба "на сонейкУ"