Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Што за дзіва?! Што за свята?!

Сярэдняя: 4.4 (16 галасоў)

Што за дзіва?! Што за свята?!
Зоркі сыплюцца з галін –
Шчодрым бляскам на багаты
Беласнежны палантын!

Іскры – злева, іскры – справа.
Над пярынамі снягоў
Ззяюць золатам яскравым
Мірыяды светлячкоў.

На зямлі – прасцін сегменты –
Ад ружовых да сівых.
Зіхаценне дыяментаў –
Упрыгожванні на іх.

А на вокнах штось малюе
Незвычайнае мароз.
Але, скончыўшы, лютуе:
Шчыпле шчокі, круціць нос,

На румяным, стылым твары
Студзіць сонца прамяні.
І клубіцца выдых парай –
Паспрабуй, яшчэ дыхні!



Не вельмi добра

Не вельмi добра

калi чытаешь верш, дык адразу

калi чытаешь верш, дык адразу лезуць успамiны аб самым раннiм дзяцiнстве, калi можна было вельмi проста пагойдацца у снезе, пакiдацца снежкамi, верш вельмi энэргiчны!