Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ірына Дубашынская

Сярэдняя: 2.7 (3 галасоў)

Вы не чулі?Вы не чулі?
Восень ласкавай матуляй
Заспявала:"Люлі-люлі"

У садок нас павяла.
Гамачок з галін спляла.
Каляровы дыванок
Пасцяліла каля ног.

А вятрыска,яе брат,
Пагайдаць нас будзе рад.
"Пройдзе усе...",-пяе яна.
І прысніцца нам вясна.



Сярэдняя: 4.2 (5 галасоў)

Кінь мне яблык з сада.
Ён тугі такі.
Я яму так рада,
Бо з тваёй рукі.

Паляціць барвовы,
Падалом злаўлю.
А яшчэ тры словы:
"Я цябе Люблю!"



Сярэдняя: 4.3 (4 галасоў)

Ядвізе Паплаўскай

Каляровы клен за акном стаіць
Каляровы клен на мяне глядзіць.
Фарбавы настрой,восеньскі настой
Сэрца супакой.

Каляровы клен,годзе сумаваць.
Каляровы клен,я хачу гуляць.
Ты пасыпь мяне сонечным лістом
Залатым руном.

Я ружовы ліст да неба паднясу,
Завярну у яго зорную слязу.
Хай мне будзе знак шчодрасці нябёс
Спачувальных слёз.

Каляровы клён за акном стаіць.
Каляровы клен на мяне глядзіць.
Фарбавы настрой,восеньскі настой
Сэрца супакой.



Сярэдняя: 4.5 (4 галасоў)

На гэтым чорным дыване,
Што ноч расцягвае над дахам
Нібыта хто пусціў з замахам
Белёса поўня палыхне.

А ты стаіш пад той мішэнню,
У грудзях баліць,- не прадыхнуць.
І зоры кулямі імгненняў
Здаецца праз цябе лятуць.