Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Новы год

Сярэдняя: 3 (1 голас)

Гадзіннік адлічвае года імгненні астатнія.
Яшчэ пяць хвілін — і куранты дванаццаць праб'юць.
І, келіх шампанскага ўзняўшы, на міскі салатныя
увагу звярне навагодне настроены "людзь".

Ялiнка міргне — і запахне хурмой, мандарынамі,
і шчасця вазок пажадаем адзін аднаму...
А ў гэтую ж ноч (ці не ў нас, абыякаў, за спінамі?)
пачвара-вайна вычвараецца: "Свет узарву!"

Ратуюцца дзеткi ў падвалах ад смерці — не вынайсці.
Ўчарнелыя мамкі хаваюць сыночкаў-салдат....
О, як нам усiм не хапае любові і літасці!
I мудрасцi, каб супынiць ашалелы набат.

Стаіць на парозе Наступны — ужо дзевятнаццаты.
Не ведае нават, заходзіць, як звыкла, ці не.
Паклічам яго развiтацца з былым, васямнаццатым.
І скажам рашуча: "Не быць — аніякай! — вайне!"

Хай мірнае неба — усюль! — расцвітае світанкамі!
Хай дзецi смяюцца і... сонца, зірнуўшы на іх!
Хай ветрыка хвалi люляюць зямлю калыханкамi!
І будзе ў нас радасць — адзінае шчасце — на ўсіх.

20.12.2018



Сярэдняя: 3.2 (9 галасоў)

Гадзіннік адлічвае года імгненні астатнія.
Яшчэ пяць хвілін — і куранты дванаццаць праб'юць.
І, келіх шампанскага ўзняўшы, на міскі салатныя
увагу звярне навагодне настроены "людзь".

І ёлка міргне, і запахне хурмой, мандарынамі,
і шчасця вазок пажадаем адзін аднаму...
А ў гэтую ж ноч (ці не ў нас, беларусаў, за спінамі?)
пачвара-вайна вычвараецца: "Свет узарву!"

Ратуюцца дзеці ў падвалах ад смерці — не вынайсці.
Ўчарнеўшыя мамкі хаваюць сыночкаў-салдат....
О, як не хапае нам, людзі, любові і літасці!
Хоць цяжка паняць, хто ў жудоце такой вінават.

Стаіць на парозе Наступны — чарговы —
шаснаццаты.
Не ведае нават, заходзіць, як звыкла, ці не.
Паклічам яго, каб не збег, не застаўся ў пятнаццатым.
І скажам рашуча: "Не быць — аніякай! — вайне!"

Хай мірнае неба — паўсюль! — расцвітае світанкамі!
Хай дзеці смяюцца і... сонца, зірнуўшы на іх!
Хай ліпы растуць і галёкаюць птушкі над ганкамі.
І будзе ў нас радасць — адзінае шчасце — на ўсіх!



Сярэдняя: 4.5 (92 галасоў)

Сябры мае! Віншую вас
З найлепшым святам – Новым годам!
Хай новы дзень і новы час
Змяце ў мінулае нягоды!

Дазвольце шчыра пажадаць,
Каб вам у вокны ззяла сонца,
А ў вашы сэрцы благадаць
Лілася ліўнямі бясконца!

Каб зоркі падалі ў руку,
А на стале было да хлеба.
І каб хапала ў кашальку
На ўсе надзённыя патрэбы.

Хай будзе ў сем’ях вашых мір,
І разуменне, і пяшчота –
Калі любоў – не страсці вір –
Дух акрыляе у турботах!

Дай Бог здароўя вам збанок
І поўны келіх весялосці,
Каб не зваліла стома з ног,
Пакуль да вас даедуць госці!

Жадаю ўдачы вам, святла,
Дабра, спакою, мудрай згоды –
Каб радасць шчыраю была!
Жывіце ў шчасці! З Новым годам!

2.01.2012



Сярэдняя: 4.7 (7 галасоў)

Прывітанне, сябрукі!
Добры дзень, сяброўкі!
Сёння — свята. Не з рукі
грозна хмурыць броўкі!

Паглядзіце: Новы год,
панапхаўшы клункі,
сустракае ля варот,
дорыць падарункі.

Сёння ён — шаноўны госць
і доўгачаканы.
У яго ў мяшэчку ёсць
смех — для несмяянаў,

песні — тым, хто не пяе,
казкі — для занудаў
і... чаго вам не стае —
танцы, гульні, цуды.

А для тых, каму ні ў чым
не хапае ладу,
ён падкідвае мячы,
і з мячамі — радасць.

Ды каб вам падчас гульні
на зямлю не ўпасці,
дорыць сонца прамяні,
снег і... мора шчасця,

і здароўя, і дабра,
і святла, і згоды...
І любві.

Але ж пара
крыкнуць: "З Новым годам!"