Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі
Галоўная

Кірыл Азімка

Ідзе беларус

Сярэдняя: 4.4 (34 галасоў)

У правай руцэ кніга з творам Купалы,
На левай - адпор на ўсялякі прымус.
Народную песню пяе ён з запалам,
Каб бачылі ўсе, што ідзе беларус!

Ілюзія бяспекі

Сярэдняя: 4.4 (24 галасоў)

А выхад аварыйны ў самалёце
Падчас, калі ляціце вы высока, -
Ілюзія бяспекі пры палёце:
Сысці праз выхад можна на аблокі...

Бабіна хата

Сярэдняя: 5 (5 галасоў)

Баба памерла, і мы апусцелі.
Не маем больш вёскі любімай сваёй.
Дах абваліўся, буслы адляцелі,
Бабіну хату пакрыла травой.

Плот, ля якога калісьці стаяла
Баба і шчыра ўсміхалася нам,
Лёг на зямлю, якая забрала
Бабу. Цяпер толькі зараслі там.

Там на двары жывуць жабы ды змеі,
Нейкі да болю пустынны спакой.
Страцілі нешта святое, што мелі,
Прошлае змыла шырокай ракой.

Трэба нашчадкам прыбраць дом і хату,
Трэба навесці парадак там зноў.
Часу і грошай, відаць, небагата -
Праца, сям'я. Тут не да каранёў.

Хата, тым часам, да бабы імкнецца.
Лезе глыбей і глыбей у зямлю.
Хутка зусім яе не застанецца.
...I вёскі, якую з дзяцінства люблю.

Беларус

Сярэдняя: 4.5 (20 галасоў)

Я маю тут вялікі дар,
Я маю тут буйны хаўрус,
Сваёй зямлі я гаспадар,
Сваёй зямлі я беларус!

Я маю жыта і палі,
Я маю волю і любоў
На нашай Матчыне-зямлі,
Зямлі братоў-гаспадароў.

Гаспадары зямлі сваёй...
Гарыць агеньчык на вачах,
На сэрцы ласка з цеплынёй,
А ноччу бачаць кветкі ў снах.

Тут вецер гоніць статкі хмар,
Буслы тут зноў на дах ляцяць.
Я маю тут вялікі дар,
Маю зямлю не адабраць!

Калі прыедзеш з-за мяжы,
Калі прыедзеш з-за бугроў,
Цябе сутрэнем ад душы,
А ты вітай гаспадароў...

Я маю тут вялікі дар,
Я маю тут буйны хаўрус,
Сваёй зямлі я гаспадар,
Сваёй зямлі я беларус!