Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Павел Шруб

Нарадзіўся 20 лютага 1955 года ў вёсцы Хільчыцы Жыткавіцкага раёна Гомельскай вобласці ў сялянскай сям'і. Скончыў фізічны факультэт Ленінградскага ўніверсітэта (1977). Працаваў старшым інжынерам кафедры фізікі Наваполацкага політэхнічнага інстытута (1977-1979). Служыў у Савецкай Арміі (1981-1983). З 1983 г. - выкладчык-метадыст Менскай спецыяльнай сярэдняй школы міліцыі. Скончыў завочна Менскую вышэйшую школу Міністэрства ўнутраных спраў СССР (1987). Сябра СП СССР з 1988 г. У рэспубліканскіх выданнях друкуецца з 1979 г. Лаўрэат прэміі Ленінскага камсамола Беларусі (1988) за зборнік вершаў «Лабараторыя».Air Jordan Releases 2019


Сярэдняя: 5 (5 галасоў)
Як толькі мы нарадзіліся і першы зрабілі крок, нам збудавалі лесвіцу, — «Смялей жа, сынок!». I мы палезлі наверх, на свой першы паверх. Спачатку ступені аднолькавыя: прасторныя і шырокія. Спачатку ступені аднолькавыя мелі і ты і я, але прайшоў некаторы час і ясна, што лесвіцы розныя ў нас, і стаў зусім не дробным факт: хто трымае, у якіх руках? (Рукі касматыя — лёс блаславіце: яны вас наверх паднімуць на ліфце.) Яшчэ асаблівасць усіх ступеней: чым вышэй — тым месца меней, не гаворачы ўжо, што чым вышэй, тым падымацца цяжэй і цяжэй. Аксіёма А: калі, мон шэр, ты амаль што ў раі, тым лесвіца будзе вужэй і вужэй — і месца няма дваім. З другога боку, калі падымацца, не толькі на гэта патрэбна праца, бо заўсёды ёсць небяспека з боку чорнага чалавека — будзе глядзець ён з усмешкай нявіннай, як ты па падпіленых лезеш драбінах. Адсюль падстава для аксіёмы Б (я палкі не перагну) — каб мірна жыць, давядзецца табе да скону весці вайну. А лёс захоча — ізноў няшчасце: стане коўзка і лёгка ўпасці. Аксіёма В: на тое і круча, каб ведаць, як падаць уніз балюча... I вось мы стаім паміж трох сасон, а выхад дзе? — пад нагамі ён: як толькі мы нарадзіліся і першы зрабілі крок, не трэба глядзець наверх нам, псаваць і хрыбет, і зрок, бо колькі б мы наверх ні паўзлі, не адарвацца нам ад зямлі, бо колькі б мы наверх ні паўзлі, роўныя ўсе мы заснём у зямлі. А я ўсё штурмую лесвіцу...Air Max 90 Fireflies


Сярэдняя: 4.8 (8 галасоў)
Вечарам ясным
на шэрым асфальце
дзіва я ўбачыў —
                               вяргіня цвіла.
Пераўтварыла
                         цукерачны фанцік
у сарамлівую
                       кветку імгла.
Міг — наваколле
                              ўсё запылала,
бы ў акулярах
                         ружовага шкла.
Вось і для шчасця
                                 патрэбна так мала:
шкельца кахання
                              ды шкельца цяпла.
Sneaker Release Dates 2019


Сярэдняя: 5 (2 галасоў)
Далёка-далёка за поле, за сонечны, мройны прасцяг ляціць павуцінне. Ніколі яго не закончыцца шлях. Высока-высока над полем у нетрах блакітнай імглы з адвечным нясцішаным болем лунаюць кругамі буслы. Вякамі было гэтаксама, нічога адметнага ў тым, што ў ветра — паўднёвы напрамак, што далеч — прыбраная ў дым. I ўсё ж адчуванне такое над пожняю жнівеньскіх ніў, нібыта я нешта святое на вечныя векі згубіў.Nike Phantom Vision