Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Таццяна Барысава

Сярэдняя: 3.6 (8 галасоў)

Абдымі мяне, восень, за плечы
Не лісцём , так хоць жа дажджамі,
Бо туга мяне болей ня лечыць,
А віруе віхром пад нагамі.
Абдымі мяне, восень , як хлопец
Абдымае , кахая, дзяучыну.
Абдымі мяне,восень, бо хопіць,
Хопіць мне па табе ўспамінаў.



Сярэдняя: 4.7 (3 галасоў)

Адзінота.
Самотная ціша.
Не чакаю цябе.
Не чакаю.
Ты-пачуццяў
выняты лішак.
Ты-пакута
майго адчаю.
Адгарэла табою
цела,
адбалелася сэрца
болем.
Я душою
адчуць хацела
тваё светлае:
"Я з табою".
Толькі ты
не пачуў жадання.
Некранутай
засталась ціша.
Я-адрынутае каханне.
Ты-пачуццяў
выняты лішак.



Сярэдняя: 4.3 (4 галасоў)

Балюе веснавая квецень,
а мне самотна на душы.
Нішто не вечнае на свеце.
Ніхто не абміне імшы.
Сярод гульбы і красавання
я прадчуваю хуткі скон.
Дай,Божа,дзетак
узгадаваць нам,
каб іх не загубіла злом!



Сярэдняя: 3.4 (5 галасоў)

Беларусь-мары мае.
Беларусь-шлях мой.
Беларусь у званы б'е
Пра чорны боль.